Policia e Maqedonisë së Veriut ka raportuar për vdekjen e një të punësuari në një fabrikë në Strugë, derisa rryma elektrike dyshohet si shkak, transmeton Portalb.mk.
“Në oborrin e një fabrike në fshatin Vranishtë të Strugës, në afërsi të një kutie për rrymën elektrike, është gjetur i vdekur punëtori 59 vjeçar D.R. nga fshati Vranishtë, me siguri nga rryma”, deklarojnë nga Policia.
Raportohet që Ndihma e Shpejtë gjatë analizave ka konstatuar që 59 vjeçari ka ndërruar jetë pa shenja dhune, ndërsa trupi i viktimës është dërguar për obduksion.