Kryeministri i Maqedonisë së Veriut, Dimitar Kovaçevski, gjatë bisedës telefonike të realizuar me sekretarin e përgjithshëm të NATO-s, Stoltenberg, është shprehur i gatshëm për pranimin e Finlandës dhe Suedisë në këtë Aleancë, transmeton Portalb.mk.
“Sekretari i përgjithshëm i NATO-s, Jens Stoletenberg, në bisedën me Kovaçevskin ka përshëndetur mbështetjen e Maqedonisë së Veriut për pranimin e shpejtë të Suedisë dhe Finlandës në NATO, dhe ka theksuar suksesin e stërvitjes ushtarake “Përgjigje e shpejtë 22”, duke e konfirmuar vendin tonë si një partner të vlefshëm në Aleancë”, deklarojnë nga Kryeministria.
Kovaçevski e ka uruar Stoltenbergin për mandatin e ri si sekretar i përgjithshëm.