Komisioni Rregullator për Energjetikë (KRrE) sot vendosi që çmimet e derivateve mbeten të njëjta, ndërsa vaji ekstra i lehtë për amvisëri nga mesnata rritet për dy denarë, transmeton Portalb.mk.
Sipas këtij vendimi, vaji ekstra i lehtë për amvisëri do të shitet me çmim prej 82,5 denarë për litër.
Nga ana tjetër, këto janë çmimet e derivateve:
- Eurosuper BS-95- 81,50 denarë/litër,
Eurosuper BS-98- 83,50 denarë/ litër, - ЕURODIZEL BS (D-Е V) – 82,05 denarë/litër
- Mazuti M-1 NS- 51, 59 denarë/litër
Me ndryshimet e fundit të rregullores për përcaktimin e çmimeve me pakicë të derivateve të naftës, KRrE çdo ditë mund të marrë vendime për ndryshimin e çmimeve të derivateve të naftës nëse llogaritja për çmimin e çdo derivati të naftës rritet ose ulet për dy denarë.