Sipas statistikave të Ministrisë së Punëve të Brendshme, çdo vit në vend vdesin nga 30 deri në 35 këmbësorë në aksidente trafiku. Veçanërisht të pasigurt janë të rinjtë që shkruajnë ose flasin në celular ndërsa ecin në rrugë dhe kalojnë kalimin e këmbësorëve, transmeton Portalb.mk.
Sot, në kuadër të fushatës “Unë dhe ti jemi këmbësorë” të organizuar nga MPB, Këshilli Republikan dhe Fakulteti i Sigurisë, në Manastir është apeluar që të mos përdorin celularë dhe kufje derisa këmbësorët kalojnë vendkalimin për këmbësorë dhe të kalojnë vetëm rrugët në vendet e shënuara për këtë qëllim.
“Duke folur vazhdimisht me të rinjtë, sepse ndonjëherë ata nuk janë të vetëdijshëm për rreziqet e kalimit të rrugës jashtë vendkalimit të këmbësorëve, duke përdorur pa kujdes celularin dhe kjo i rrezikon ata, por rrezikojnë edhe të tjerët në rrugë. Prandaj punojmë me aktivitete parandaluese në shkollat e mesme dhe fakultete”, tha dekani i Fakultetit të Sigurisë Nikolla Dujovski.