Goztepe i Super Ligës turke hodhi poshtë pretendimet për blerjen e klubit nga Roman Abramoviç, duke i konsoderuar si thashetheme, transmeton Daily Sabah.
Zëvendëskryetari i klubit, Talat Papatya mohoi çdo zhvillim të tillë, të raportuar gjerësisht nga mediat turke të martën.
“Nuk ka asgjë të tillë. Ne po lexojmë gjithashtu këto histori për Abramoviç që bleu Goztepe në media. Këto janë histori të pabaza. Nëse ka ndonjë zhvillim të tillë, sigurisht që do të bëjmë njoftimin e nevojshëm,” tha ai.
Disa media turke raportuan të martën se oligarku rus Abramoviç, ish-pronari i goditur nga sanksionet e Çellsit, e ka blerë tashmë klubin dhe një njoftim zyrtar do të jepej të premten.
Mediat vendase kishin pohuar më parë se aksioneri i shumicës së klubit Mehmet Sepil dhe përfaqësuesit e Abramoviç po diskutonin zyrtarisht për marrjen.
Raportet shtuan gjithashtu se të dyja palët kishin bërë tashmë vlerësime të tregut dhe Sepil ishte në kryeqytetin Ankara për të pyetur për proceset përkatëse.
Goztepe drejtohej deri vonë nga Sepil, i cili dha dorëheqjen pas një periudhe rezultatesh të këqija në ligën e lartë turke, Super Lig.
Abramoviç, nga ana tjetër, ka merita për ngritjen e gjigantit të Premier Ligës Çellsi në statusin e tij aktual me miliarda dollarë investime në klub.
Megjithatë, miliarderi rus u hoq si pronar për shkak të sanksioneve britanike për pushtimin e Ukrainës nga Rusia.