RMV, tërhiqen produktet Kinder nga tregu
Shërbimet inspektuese të Agjencisë për Ushqim dhe Veterinari kanë realizuar kontroll të jashtëzakonshëm në operatorin ushqimor “Atlantik Trade” SHPK Shkup, importues i produkteve të kompanisë “Ferrero”. Kontrolli, siç thuhet nga agjencia, është bërë në bazë të njoftimit të marrë nga kompania “Ferrero” DOO nga Zagrebi, Republika e Kroacisë, e cila informon se për arsye parandaluese disa seri të produkteve Kinder janë tërhequr nga tregu në Maqedonia, transmeton Denar.mk.
Sipas njoftimit të tyre, nga tregu në vend tërhiqen seria e produkteve, me data të skadimit më:
- 3.10.2022
- 23.8.2022
- 2.6.2022
- 7.7.2022
- 15.7.2022
- 11.6.2022.
- 30.6.2022.
Sot pasdite, siç bëjnë të dituar nga agjencia, kanë marrë një njoftim nga Sistemi i Paralajmërimit të Shpejtë për Ushqimin dhe Ushqimin e Kafshëve (RASSF) të Bashkimit Evropian, i cili njofton se një produkt i dyshimtë çokollatë i këtij prodhuesi është plasuar në tregun e vendit tonë.
“Në bazë të kontrollit inspektues, për kompaninë importuese është lëshuar vendimi për ndalimin e shitjes së produkteve ‘Kinder’ me lot L006LtB-NR, L330RtB-MJ, L2923RtDKX, L328RtD-M, L336RZD-MU, L30. Gjithashtu për operatorin është lëshuar urdhër për tërheqjen e produktit të listuar të loteve të përmendura dhe tërheqjen e sasive të palsuara në treg. Vërtetim për tërheqje të menjëhershme parandaluese nga tregu të produkteve të kësaj marke është dërguar në AUV nga kompania importuese e cila ka raportuar se produkti 260320 Kinder Schokobons G125x16, seria L321R03, me kohëzgjatje 30.6.2022, seria L302R03, me afat. e datës 11.6.2022, nga prodhuesi Ferrero Ardennes SA, rue Pietro Ferrero 5, 6700 Arlon, Belgjikë”, theksohet në informacionin zyrtar.
Agjencia e Ushqimit njofton konsumatorët që kanë blerë këtë lloj produkti, të mos e konsumojnë, por ta kthejnë në vendin ku e kanë blerë.
