Zabërçanec: Rusia kërcënon Maqedoninë me tituj qesharak – ne jemi shtet në të cilin sundon demokracia
Marjan Zabërçanec, Koordinator nacional për Ballkanin e Hapur dhe iniciativat rajonale, ka folur sot në “Utrinski brifing” për luftën informative që shoqëron pushtimin rus në Ukrainë. Ai beson se Perëndimi po fiton luftën kundër propagandës ruse dhe rezistencës ndaj demokracisë, transmeton Portalb.mk.
“Definitivisht ekziston luftë informative, e cila nuk është e re, ka ekzistuar edhe më parë. Por ajo që është e ndryshme është se Perëndimi ka dalë nga ajo ngurtësi ndaj propagandës ruse. Unë mendoj se Perëndimi tani po e fiton atë luftë jo vetëm me propagandën ruse, por edhe me luftën kundër demokracisë”, tha Zabërçanec.
Analizat tregojnë se Rusia nuk është përgatitur mirë edhe në atë front informativo-propagandë. Ndërkohë, analistët ushtarakë thonë se Rusia nuk ka nisur ende sulme hakerimi pasi është e vetëdijshme se mund të shkaktojë një kundërsulm dhe të rrëzojë platformat e tyre.
“Pajtohem që ajo është arsyeja. Hakerimi nuk u shpik nga rusët. Për herë të parë, blloku perëndimor demonstroi një mesazh të qartë të përsëritur, të fokusuar dhe demonstronte informacion të saktë. Demokracia është sigurisht më e fortë se antidemokracia, por deri më tani ajo ishte e disperzuar. Pushtimi rus bashkoi demokracinë. Tani të gjithë thonë mbështetje për sovranitetin, dënimin e luftës dhe thirrje për paqe. Nga ana tjetër, propaganda ruse është mjaft konfuze. Ka akuza se Ukraina ka armë kimike dhe nëse do të kishte, do t’i kishte përdorur ato”, tha Zabërçanec.
Koordinatori nacional për Ballkan të Hapur dhe iniciativat rajonale thotë se Maqedonia është pjesë e sistemit të komunikimit perëndimor dhe koordinohet me mesazhet e komunikimit perëndimor. Ai shton se në internet ndiqen platforma të ndryshme që përhapin propagandë ruse dhe thonë se Rusia po e kërcënon Maqedoninë me disa tituj qesharak.
“Postohen fotografitë e liderit të Levicës me Putinin me mbishkrimin “Më në fund dikush normal”. Nëse kjo është normale, atëherë shumica del anormale”, tha Zabërçanec.
Lidhur me faqet e internetit që bëjnë propagandë pro-ruse, Zabërçanec thotë se Qeveria ka një strategji të qartë për shtypjen e dezinformatave dhe futjen e edukimit mediatik. Në fushën e së drejtës penale rregullat janë të qarta – nëse ke kërcënim, atëherë vepron Prokuroria, shpjegon ai.
Ne nuk e shohim NATO-n si diçka të huaj, ne jemi pjesë e saj. Jemi përgatitur për atë sistem dhe në pjesën e komunikimit jemi lavdëruar, thotë Zabërçanec për Utrinski brifing.
