Kryeministri Edi Rama ka postuar mëngjesin e sotëm një foto nga vizita e tij në Kazakistan ku ka dalë me kreun e AKR-së, Behgjet Pacolli. “Me Behgjet Pacollin, në veprën e jashtëzakonshme të ndërtuar nga kompania e tij në Kazakistan,Teatri i Operas&Baletit “ shkruan Rama në Twitter.
Ndërsa në një postim në faqen e tij në “Facebook”, Pacolli shkruante një ditë më parë se ka mbetur i impresionuar nga performanca e kryeministrit Edi Rama në Kazakistan. “U ndjeva krenar për performancën brilante të kryeministrit të Shqipërisë në këtë vizitë që hap perspektiva të reja investimesh”, shkruante Pacolli.