Johansson: BE-ja duhet të përgatitet për miliona refugjatë nga Ukraina
Bashkimi Evropian duhet të përgatitet për miliona refugjatë ukrainas që vijnë në bllok, tha sot komisionerja e BE-së për Çështjet e Brendshme, Ylva Johansson, transmeton REL.
“Unë mendoj se ne duhet të përgatitemi për miliona,” u tha ajo gazetarëve në Bruksel, duke shtuar se ishte në favor të aktivizimit të direktivës së mbrojtjes së përkohshme të BE-së për të siguruar strehim për ata njerëz që vijnë në BE.
Në vitin 2001, direktiva ishte përgjigja e BE-së ndaj fluksit masiv të njerëzve të zhvendosur gjatë luftërave në Jugosllavi dhe Kosovë.
Sipas rregullave të tij, personave të zhvendosur nga vendet jo anëtare të BE-së u jepet mbrojtje e menjëhershme dhe e përkohshme.
