Ministria e Shëndetësisë informoi se sot në Kosovë janë regjistruar katër viktima dhe 1,721 raste të reja me sëmundjen COVID-19, transmeton REL.
Rastet e reja dolën pas testimit të 8,205 mostrave, që i bie se 20.97 për qind e të testuarve kanë rezultuar pozitivë me koronavirus.
Sipas raportit të Ministrisë së Shëndetësisë, që i referohet të dhënave të 24 orëve paraprake, janë shëruar edhe 2,704 pacientë.
Raste aktive aktualisht janë 30,097.
Sa i përket vaksinimit, në 24 orët paraprake janë administruar 2,407 doza të vaksinës kundër koronavirusit.
Në Kosovë, aktualisht me dy doza të vaksinës janë imunizuar 807,900 persona.
Qytetarët nga mosha 12-vjeçare mund të imunizohen kundër koronavirusit, ndërkaq, personat nga mosha 18-vjeçare, që janë imunizuar me dy doza para tre muajsh, mund ta marrin edhe dozën e tretë apo atë përforcuese të vaksinës kundër koronavirusit.
Në Kosovë përdoren dy lloje vaksinash, ajo e AstraZenecas dhe e Pfizer/BioNTech.