Komuna e Tetovës nga sot me orar fleksibil, e hapur nga ora 7:30 deri 16:30
Komuna e Tetovës njofton se në përputhje me Kontratën Kolektive për të punësuarit në vetqeverisjen lokale është vendosur orar fleksibil i punës prej 8 orëve në ditë, orari i plotë i punës fillon ndërmjet orës 7:30 dhe 8:30, kurse përfundon ndërmjet orës 15:30 dhe 16:30, transmeton Portalb.mk.
Evidentimi elektronik me orar pune fleksibil, fillon nga sot pasi dje është nënshkruar vendimi.
Dyert e komunës për qytetarët do të jenë të hapura nga ora 7:30 deri ora 16:30.
Nryshe, vendosja e orarit fleksibil të punës është edhe njëra nga pikat e planit 100 ditësh të udhëheqjes nga kryetari i komunës Bilall Kasami.