Pas premierës në dhjetor të vitit të kaluar, Filmi Hitchcock shumë shpejt u bë një prej filmave më të shikuar por edhe të lavdëruar nga kritikët e filmit. Paraqet një histori dashurie mes një prej regjisorëve më me ndikim të shekullit të kaluar, Alfred Hitchcock dhe gruas dhe partneres së tij Alma Reville. Ngjarja e filmit zhvillohet gjatë inçizimit të filmit kult Psycho në vitin 1959.
Rolin kryesor në film e ka i madhi Anthony Hopkins, ndërsa përkrah tij aktrojnë Helen Mirren dhe bukuroshja Scarlett Johansson. Regjisor i filmit është Sacha Gervasi i njohur më tepër për filmin Terminali me Tom Hanks.
Përzemërsisht ua rekomandojmë këtë film, do të jenë 98 minuta të kaluara në mënyrë kualitative.