Bjellorusia po kthen migrantët në vendlindje
Ministria e Brendshme në Bjellorusi ka thënë se 118 migrantë janë larguar nga shteti dje dhe më shumë do të mund të dëbohen sot, ka raportuar agjencia ruse e lajmeve, TASS, njofton REL.
Bashkimi Evropian ka akuzuar Bjellorusinë se është duke marrë mijëra gra, burra dhe fëmijë nga Lindja e Mesme dhe është duke i shtyrë drejt kufijve të Bjellorusisë me Poloninë, Lituaninë dhe Letoninë, si përgjigje ndaj sanksioneve të bllokut evropian për shtypjen brutale të protestave, në të cilat lideri autoritar, Akyaksandr Lukashenka është akuzuar se ka manipuluar zgjedhjet e mbajtura në gusht të vitit 2020.
“Vetëm dje, 118 persona janë larguar nga Aeroporti Kombëtar i Minskut dhe ky aksion është duke vazhduar sot”, është cituar të ketë thënë ministri i Brendshëm, Alyaksey Begun.
“Këta 118 persona janë larguar individualisht. Mekanizmat për punë të brendshme dhe trupat kufitare u kanë ndihmuar për dokumente”, ka thënë Begun sipas TASS.
Ai ka thënë se asnjë migrant nuk ka aplikuar për azil në Bjellorusi.
“Një grup i shtetasve të huaj është ende në Aeroportin Kombëtar të Minskut sot, ka kaluar të gjitha procedurat kufitare e doganore dhe është duke pritur për t’u kthyer në shtetin prej nga e kanë shtetësinë personat në të”, ka thënë Begun, pa specifikuar destinacionin.
Shumica e migrantëve kanë shkuar në Bjellorusi nga vendet e shkatërruara nga konflikti si Siria, Iraku dhe Afganistani.
- LEXO: Polonia thirrje NATO-s për hapa konkretë mbi çështjen e emigrantëve
- LEXO: Përleshje të reja me migrantët në Poloni
- LEXO: Biden: Situatë shqetësuese në kufirin Poloni-Bjellorusi
- LEXO: BE-ja në përgatitje të sanksioneve shtesë kundër Bjellorusisë
- LEXO: Përshkallëzohet kriza e emigrantëve në kufirin me Poloninë, do të mblidhet Këshilli i Sigurimit të OKB-së
- LEXO: Polonia arrestoi dhjetëra migrantë në kufi me Bjellorusinë
- LEXO: Kryeministri polak: Putini, organizator i krizës me migrantë
- LEXO: Përshkallëzohet kriza me refugjatët në kufirin polako-bjellorus
- LEXO: Polonia ka paralajmëruar eskalim të mundshëm të krizës me migrantët në kufirin me Bjellorusinë, Gjermania kërkon ndihmën e BE-së
