Ambasadorja e ShBA-së në vend Kate Mary Bërns, përgatiti ajvar në rezidencën amerikane, transmeton Portalb.mk.
“Sezona e ajvarit në rezidencën e ambasadores me ajvarin special “Red Dog”. Cilat janë traditat tuaja të preferuara të ushqimit?!, shkroi Ambasada e ShBA-së në Facebook, duke postuar një video të përgatitjes së ajvarit.
Ndërkohë në Twitter u shpreh edhe Bërns:
“Në Maqedoninë e Veriut është vjeshtë dhe është koha për ajvar! E pëlqejmë dhe bëjmë ajvar çdo vit sipas recetës së kuzhinierit të rezidencës. Këtë vit video-ekipi i ambasadës incizoi pamjen dhe zhurmën e bërjes së ajvarit”.
In ?? if it’s fall, it’s time for #ajvar! We love it & have made ajvar every year we’ve been here with a recipe from the residence chef. This year the Embassy’s video team captured the sights & sounds. pic.twitter.com/kCUiT4mWBc
— Ambassador Kate Byrnes (@USAmbNMacedonia) October 12, 2021
Pjesa më e madhe e ajvarit të përgatitur, siç tregohet në videon e ambasadës, u dhurohet diplomatëve të huaj, vizitorëve amerikanë dhe miqve të ambasadores.