Borrell: Bullgaria duhet të jetë më fleksibile në çështjen e zgjerimit të BE -së

Shefi i diplomacisë së BE-së Josep Borrell tha se Bullgaria duhet të jetë më fleksibile në çështjen e zgjerimit të BE-së në Ballkanin Perëndimor, përcjellë Portalb.mk.

Bullgaria, kujton agjencia e lajmeve “Reuters”, ndalon hyrjen në BE të Maqedonisë së Veriut, e cila është anëtare e NATO -s për shkak të mosmarrëveshjes me Shkupin për çështjen e gjuhës.

“Mendoj se Bullgaria duhet të tregojë fleksibilitet më të madh për këtë çështje, e cila po bllokon fillimin e bisedimeve të pranimit”, deklaroi Borrell në një ngjarje në Madrid.

Paraprakisht këtë jave, në Samitin e Bërdos, liderët e Bashkimit Evropian prej 27 vendesh u zotuan për anëtarësim në Ballkanin, duke përsëritur premtimet e bëra 18 vjet më parë, por duke refuzuar të caktonin 2030-n si datën e fundit të pranimit, nga frika e një reagimi të ashpër në vendet e tyre për shkak të migrimit.

Ndërkohë presidenti bullgar Rumen Radev në po të njëjtin Samit tha se nuk do të ketë “po” për Maqedoninë e Veriut derisa Shkupi nuk pranon të vërtetën historike siç bëri me Greqinë.

Kujtojmë se, Bullgaria është kundër pranimit të Maqedonisë së Veriut për shkak të mosmarrëveshjeve historike dhe gjuhësore. Por edhe nëse ka ndonjë marrëveshje, gjendja e keqe pasqyron paralizën e planit të BE -së që të ndërtojë “unazë miqsh” nga Ukraina në Tunizi, duke ofruar lidhje më të ngushta, por edhe tregti dhe ndihmë.

Bullgaria nga fundi i vitit 2020, bllokoi fillimin e negociatave midis Maqedonisë së Veriut dhe BE -së dhe mbajtjen e konferencës së parë ndërqeveritare. Të dy vendet nënshkruan Marrëveshje për Fqinjësi të Mirë në vitin 2017, por përfaqësuesit e të dy vendeve kanë fajësuar njëri -tjetrin për shkeljen e marrëveshjes.

Lajme të ngjashme

Leave a Reply

Your email address will not be published. Required fields are marked *

Back to top button