Zaev: Nuk mendoj se tërë qeveria duhet të japë dorëheqje

Kryeministri Zoran Zaev, sot pas Forumit të Energjetikës së Maqedonisë 2021 u përgjigj në pyetjet e gazetarëve në lidhje me tragjedinë e ndodhur në spitalin modular në Tetovë. Ai tha se tragjeditë ndodhin gjithkund në botë dhe se qeveria nuk duhet të japë dorëheqje. Nga ana tjetër ai tha se nuk ka informacione se kush e ka kryer mbikëqyrjen e ndërtimit të spitalit modular në Tetovë, shkruan Portalb.mk.

Në pyetjet e gazetarëve se a do të tërhiqet Qeveria pas tragjedisë së ndodhur në Tetovë, Zaev tha se tragjeditë ndodhin gjithkund në botë. Ai tha se dorëheqja e ministrit Filipçe dhe zëvendësit Hasani si dhe drejtorëve Besimi dhe Etemi është një akt moral.

“Nuk mendoj se tërë qeveria duhet të japë dorëheqje.” tha Zaev.

Zaev tha se funksionarët që kanë kërkuar dorëheqjen janë të obliguar të vazhdojnë punën e tyre derisa të emërohen zëvendësuesit e tyre.

I pyetur për mbikëqyrjen e ndërtimit në spitalin modular të Tetovës, Zaev tha se nuk ka informacion për këtë.

“Nuk kam asnjë informacion për mbikëqyrjen. Do të na japin me siguri institucionet përgjigje. Pranim-dorëzimi është i qartë i definuar për këto projekte, nuk do të hyja në detaje, por jam e sigurt se institucione do të japin përgjigje. Bëhet fjalë për objekte modulare të montuara. Projekt i Bankës Botërore që është realizuar përmes Ministrisë së Punës dhe Politikës Sociale, përmes linjës kreditore për nevojat e rasteve sociale në vend dhe në përgjegjësi për sistemin shëndetësorë.” tha Zaev.

Kujtojmë se të mërkurën rreth orës 21 qendra-kovid në Tetovë u kaplua nga zjarri, ku jetën e humbën 14 persona. Si pasojë e kësaj ngjarje, ministri Filipçe dhe zëvendësi Hasani  dhanë dorëheqje nga funksionet e tyre, së bashku me dy drejtorët e Spitalit të Tetovës, Artan Etemin dhe Florin Besimi.

Lajme të ngjashme

Leave a Reply

Your email address will not be published. Required fields are marked *

Back to top button