Vaksinimi po zhvillohet pandërprerë në të gjitha pikat në të gjithë vendin, kurse në rrjedhë është vaksinimi në terren. Në pikat e vaksinimit në vend dhe terren, përfshirë ditën e djeshme, janë vaksinuar gjithsej 733.226 qytetarë. Dozën e parë të vaksinës dje e morën 4.179 qytetarë, kurse u vaksinuan gjithsej 12.022 qytetarë. Në vend gjithsej janë aplikuar 1.280.332 doza vaksinash, ndërsa 547.105 qytetarë janë rivaksinuar, transmeton Portalb.mk.
Sipas shifrave të fundit, 53% e popullsisë mbi 40 vjeç kanë marrë të paktën një dozë vaksine dhe 28% e popullsisë mbi 18-39 vjeç janë vaksinuar me të paktën një dozë vaksine.
Qytetarët pa caktuar termin vaksinohen, në pikat ekzistuese të vaksinimit në të gjithë vendin. Fëmijët e moshës 12 deri në 18 vjeç vaksinohen me pëlqimin e prindërve.
Vaksinat janë të sigurta dhe efektive dhe janë mënyra e vetme për të fituar pandeminë. Vetëm vaksinimi i plotë parandalon formë të rëndë të sëmundjes, zvogëlon mundësinë e sëmurjes dhe vdekjen.
Përndryshe, dje në vendin tonë u regjistruan 906 raste të reja me Covid-19 nga 6006 testime të kryera, u shëruan 343, ndërsa 26 vdiqën. Numri i rasteve aktive në vend është 14,785.