Gjatë ditës së sotme do të votojnë të burgosurit, të sëmurët dhe ata që janë të pafuqishëm, personat që gjenden në burg shtëpiak, personat e zhvendosur etj.
Në rrethin e dytë të drejtë për të votuar kanë 988 të burgosur dhe 73 persona të zhvendosur. Votimi ka filluar në orën 7 dhe do të mbarojë deri në orën 19:00.
Votimi për zgjedhjen e kryetarëve në rrethin e dytë do të zhvillohet në 29 komuna dhe në Qytetin e Shkupit.
Të drejtën për votë e kanë 1.103.175 persona në gjithsej 1614 vendvotime.