Xhudistja nga Kosova Distria Krasniqi, është nisur drejt finales në Lojërat Olimpike Verore, që po mbahen në Tokio. Ajo ka mposhtur sot lojtaret, Gabriela Chibana, Chen-Hao Lin dhe Urantsetseg Munkhbat në kategorinë deri në 48 kilogramë, shkruan REL, transmeton Portalb.mk.
Komiteti Olimpik i Kosovës ka thënë se xhudistja Krasniqi veçse i ka siguruar Kosovës medalje olimpike.
“Urime Kosovë medalja e dytë olimpike”, ka thënë ky Komitet përmes një postimi në Facebook.
Ndryshe, Kosova e ka fituar medaljen e parë olimpike përmes xhudistes Majlinda Kelmendi në Rio 2016. Kurse këtë herë Kosovën në Lojërat Olimpike e përfaqësojnë 11 sportistë, në gjashtë sporte.