Të tre kompanitë për ngrohje qendrore në Shkup kërkojnë rritje të çmimit. Në kërkesat e paraqitura në Komisionin Rregullator kërkojnë që rritja e çmimit të fillojë më 1 gusht. Rritjen më të madhe të çmimit të ngrohjes e kërkon ESM Energjetika, 64,79 për qind. Shkup Veri kërkon 15.54 përqind fatura më të shtrenjta, ndërsa BEG kërkon rritjen më të vogël prej 1.82%, transmeton Portalb.mk.
Nga Komisioni Rregullator thonë se për kërkesën për çmime më të larta të ngrohjes do të vendosin më 29 korrik.
Aktualisht, çmimi i gazit natyror në bursat botërore po rritet ndjeshëm me më shumë se 50% krahasuar me çmimin e gazit vitin e kaluar kur u mor vendimi për çmimin e ngrohjes. Praktikisht, çmimi veror i gazit natyror është më i lartë se çmimi i dimrit në vitin 2020.
Në Shkup, rreth 60.000 familje ngrohen me ngrohje qendrore.