Dy avionë pasagjerësh të transportuesit me kosto të ulët “FlyDubai” dhe “Gulf Air” me bazë në Bahrein janë përplasur me njëri-tjetrin në pistën e Aeroportit Ndërkombëtar të Dubait ndërsa autoritetet nuk raportuan të lënduar në incident, transmeton Anadolu Agency (AA).
“FlyDubai” tha se një nga Boeing 737-800 të tij që ishte drejtuar për në Kirgistan u përfshi në “një incident të vogël” dhe u detyrua të kthehej në ndalesën e tij duke shtuar se pasagjerët u akomoduan në një fluturim të mëvonshëm, i cili u nis gjashtë orë më vonë.
“FlyDubai do të punojë me autoritetet për të hetuar incidentin”, tha kompania ajrore, duke shtuar se përplasja dëmtoi majen e njërit krah të njërit nga avionët.
“Gulf Air” tha se avioni i tij “u ndikua në bisht nga një avion i një kompanie tjetër ajrore”. “Gulf Air” nuk e identifikoi avionin e përfshirë, por tha se ishte “duke punuar për të akomoduar të gjithë pasagjerët në destinacionet e tyre”. “Gulf Air” transporton pasagjerë nga Aeroporti Ndërkombëtar i Dubait në qendrën e tij në Aeroportin Ndërkombëtar të Bahreinit në Manama.
Autoritetet e Aeroportit Ndërkombëtar i Dubait, aeroporti më i ngarkuar në botë për udhëtime ndërkombëtare para pandemisë së koronavirusit tha se përplasja i detyroi ata të mbyllnin njërën nga dy pistat për dy orë. Ato thanë se operacionet tjera nuk u ndikuan nga mbyllja.