Ndeshja e djeshme në Ligue I mes PSG dhe Marseille nuk ishte e rëndësishme vetëm për fatet e rënditjes por edhe për yjet që e ndoqën ata drejtpërdrejt në “Stade de Prince” të Parisit.
Përveç David Beckham që debutoi me fanellën pariziene dhe bashkëshortes së tij Victoria që e ndiqte nga tribuna, në tapetin e stadiumit zbriti edhe një prej emrave më të mëdhenj të futbollit, braziliani Ronaldo.
“Fenomenit”, i cili u fut në fushë para startit të ndeshjes, iu dhurua nga ana e Zlatan Ibrahimoviç fanella me numër 9 e skuadrës.