Drejtoria për të Ardhura Publike (DAP) gjatë shënimit të dyvjetorit të projektit “TVSH-ja ime”, sqaroi që përmes këtij projekti janë kthyer 36.3 milionë euro te qytetarët, transmeton Portalb.mk.
“Kthimi i parave mbrapa te qytetarët është realitet në shtetit tonë tashmë dy vjet, regjistruam mbi 399 mijë shfrytëzues të aplikacionit TVSH-ja ime, dhe janë paguar 2 238 340 844 denarë, gjegjësisht 36.3 milionë euro si pjesë e TVSH-së në llogaritë fiskale”, deklaroi drejtoresha e DAP-it, Sanja Lukarevska.
Ata theksojnë se Maqedonia e Veriut përmes këtij aplikacionit është shembull për vendet tjera, duke luftuar edhe ekonomin e errët.
Raportohet që në vitin e parë janë shpenzuar 670 milionë denarë, derisa në vitin e dytë 1.5 miliard denarë, ndërsa në tremujorin e parë të këtij viti janë paguar 413 758 172 denarë.
“Për blerjen e produkteve vendore, tashmë disa muaj kthimi i TVSH-së është 20 %, derisa për tjerat 10% nga tatimi i përgjithshëm”, deklaroi Lukarevska.