RMV, nga mesnata derivatet e naftës me tjetër çmim

Komisioni Rregullator për Energjetikë (KRRE) solli vendim me të cilin do të rriten çmimet me pakicë të derivateve të naftës me mesatare prej 1.91 përqind, krahasuar me çmimet e datës 21 qershor. Sipas vendimit të ri, çmimet me pakicë të benzinës Eurosuper BS-95 dhe Eurosuper BS-98 do të rriten për 1.5 denarë për litër, ndërsa çmimi i Eurodiesel (DE V) me 1 denar për litër. Çmimi me pakicë i vajit ekstra të lehtë për amvisëri (EL-1) do të jetë më i lartë për 0.50 denarë për litër, ndërsa çmimi i naftës M-1 NS do të rritet me 1.144 denarë për kilogram dhe do të arrijë në 37.152 denarë, transmeton Portalb.mk.

Nga mesnata e sotme, çmimet maksimale të derivateve të naftës do të jenë: Eurosuper BS – 95, 71 denarë për litër, Eurosuper BS -98, 73 denarë për litër, Eurodiesel BS (DE V) 63 denarë për litër dhe vaji ekstra i lehtë EL-1, 62.50 denarë për litër.

Gjatë shtatë ditëve të fundit, çmimet e berzave botëroremesatarisht vërejnë rritje te: benzina për 2.671 përqind, dizeli për 1.433 përqind, vaji ekstra i lehtë për amvisëri 1.411 përqind dhe mazuti 2.244 përqind. Në të njëjtën periudhë, kursi i këmbimit të denarit në raport me dollarin ishte më i lartë për 1.332 përqind, informuan nga KRRE.