Zyrtarët policor të MPB-së pasditen e djeshme, rreth orës 18:00 kanë privuar nga liria tre persona, A.SH (24), R.K (30) dhe I.T (26) që të tre nga Shkupi. Personat në fjalë dyshohen për kultivim të paautorizuar të kanabisit, përcjellë Portalb.mk.
“Më 16.06.2021 rreth orës 18:00 në rajonin ndërmjet Nerashtës së Tetovës dhe Radushës së Shkupit , në anën e majtë të lumit Vardar, zyrtarët e policisë nga SPB Tetovë privuan nga liria A.Sh (24), R.K (30) dhe I.T (26) , të tre nga Shkupi, për shkak të dyshimit të rritjes së “kanabis sativa”. Në lokacionin ku u gjetën, u zbuluan rreth 100 rrënjë kanabis sativa, disa të mbjella në tokë dhe disa në saksi”, thuhet në njoftimin e MPB-së.
Rrënjët e gjetura së bashku me disa lëndë të tjera u dërguan për procedurë të mëtejshme, ndërsa pas udhëzimeve të prokurorit publik, personat u mbajtën në Stacionin Policor Tetovë për pastrimin dhe dokumentimin e plotë të rastit, pas së cilës do të përgatitet procedurë përkatëse sipas Kodi Penal për “prodhim të paautorizuar”. dhe shpërndarja të lëndëve narkotike, substancave psikotrope dhe pararendësve. Gjatë ditës, ata do të sillen para gjyqtarit të procedurës paraprake në Gjykatën Themelore në Tetovë.
