Ministria për Shoqëri Informatike dhe Administratë planifikon që deri në fund të këtij viti të realizojë në 30 përqind të administratës sistemin e automatizuar të procedurave, ndërkohë theksohet puna për rritjen e shërbime në e-portalin, nga 137 sa janë për momentin, transmeton Portalb.mk.
“Deri në fund të vitit 2021 do të mundësojmë që 30% e organeve të administratës shtetërore të kenë të integruar sistemin automatizim të procedurave administrative, ndërsa deri në fund të vitit 2024 sistemi duhet të jetë i integruar në të gjithë administratën shtetërore”, raportojnë nga Ministria.
Raportohet që në seancën qeveritare është miratuar Gjendja për digjitalizimin e shërbimeve elektronike në institucione kyçe, ndërsa si procedura të kryera drejt transformimit digjital numërohen: platforma për interoperabilitet, regjistri qendror i popullsisë, portali nacional për e-shërbime me 137 shërbime, platforma për menaxhim elektronik të shërbimeve (eSDP), sistemi informatik për menaxhim me burimet njerëzore, sistemi për menaxhim elektronik të dokumenteve (DMS) dhe përmirësim i infrastrukturës së IT-së.