Qeveria e Maqedonisë së Veriut vendosi për orën policore prej orës 23:00, punën e lokaleve dhe karantinën
Në seancën e 68-të të Qeverisë së Maqedonisë së Veriut u vendos që ora policore çdo ditë prej nesër të fillojë në ora 23:00 dhe të mbarojë të nesërmen në ora 05:00, orar që duhet të respektohet prej 5 majit deri më 15 maj, transmeton Portalb.mk.
Në këtë seancë, gjithashtu u vendos që lokalet të punojnë më së shumti deri në ora 22:30, duke marrë parasysh vetëm në hapësira të hapura.
Udhëtarët që vijnë nga India dhe Brazili, do t’i nënshtrohen një karantine dyjavore, pa përjashtim vendas apo të huaj.
Ndryshe, këto janë propozime të Shtabit Qendror të Krizës, kurse deri më tani lokalet kanë punuar deri në ora 20:30, ndërsa ora policore ka zgjatur deri në ora 21:00.
