RMV, Ligji i ri parasheh tekste shkollore inkluzive, të disponueshme edhe për nxënësit me shikim të dëmtuar

Sistemi i ri  dhe Koncepti i ri për arsimin fillor dhe programet e reja parashikojnë koncept modern të teksteve shkollore. Me Ligjin e ri për tekstet shkollore dhe materiale të tjera mësimore dhe didaktike sigurohen mundësi për zgjedhje. Nga klasa e parë deri në klasën e tretë, tekstet shkollore janë në formë të shtypur, që të mund të zhvillojnë marrëdhënie ndaj librit, që është e rëndësishme për zhvillimin e tyre shoqëror dhe emocional, tha ministrja e Arsimit dhe Shkencës Milla Carovska në lajmet e TV Sitell, transmeton Portalb.mk.

“Ligji i ri, përveç që do të mundëson të ketë zgjedhje të teksteve shkollore do të shfrytëzohen në mësimin në secilën lëndë, për herë të parë mundëson që vetë tekstet shkollore të jenë inkluzive. Ajo do të thotë që çdo libër që do të kemi në versionin në letër të ketë edhe version audio, ndërsa MASH-i do të mund ta shtypë edhe në Alfabetin e Brajovit për fëmijët me shikim të dëmtuar, që deri tani nuk ishte praktikë”, tha Carovska, duke shtuar se inkluziviteti është një nga përparësitë për të cilën intensivisht do të qëndrojë gjatë kohës së mandatit të saj si Ministre e Arsimit dhe Shkencës.

Carovska theksoi se me zgjidhjen e re ligjore, do të sigurohen tekstet shkollore cilësorë dhe didaktikë moderne, me çka në mënyrë të konsiderueshme do të përparojë edhe cilësia e mësimit në vendin dhe se veçanërisht është e rëndësishme që përfundimisht të arrijmë procesin e digjitalizimit të teksteve shkollore, të cilën në numrin e madh vende të zhvilluara në botë ka kohë që ka filluar, ndërsa ne si vend në zhvillim  përpiqemi t’i arrijmë standardet që bota moderne i vendos.

• LEXO: Qeveria do të marrë 21,5 milionë euro borxh për avancimin e arsimit fillor
• LEXO: RMV, çfarë lëndë të detyrueshme dhe zgjedhore do të ketë në shkollat fillore sipas Konceptit të ri të propozuar
• LEXO: RMV, do të zvogëlohet numri i lëndëve në shkolla, por do të rritet cilësia, vlerësoi ministrja Carovska
• LEXO: Deri më 20 janar, MASH do t’i presë propozimet për propozim-versionin e konceptit për arsim fillor
• LEXO: Carovska dhe Mijiq: Koncepti i ri vazhdimësi e mësimit të shkencave natyrore, fëmijët do të mësojnë për multikulturalizmin