Policia ka paditur 48 vjeçarin nga Kërçova, si i dyshuar për marrjen e kredisë duke keqpërdorur të dhënat e një personi tjetër, transmeton Portalb.mk.
“Padi penale ndaj 48 vjeçarit A.K. nga Kërçova, për shkak të ekzistencës së bazave për dyshim për kryerjen e një krimi, abuzim të të dhënave personale”, raportojnë nga policia e vendit.
Raportohet që ai ka keqpërdorur adresën elektronike të një personi tjetër, pa leje, duke nënshkruar për një kredi.
“Pas miratimit të kredisë, nga llogaria e transaksionit, në pronësi të personit të dëmtuar, ai tërhoqi fondet e miratuara dhe i përdori ato për nevoja personale”, sqarojnë nga policia.