Aktori i Teatrit Kombëtar të Shkupit, Luran Ahmeti, ka ndërruar jetë sot në moshën 46 vjeçare, transmeton Portalb.mk.
Raportohet që Ahmeti ndërroi jetë pas komplikimeve të shkaktuara nga virusi korona.
Ahmeti është i njohur për rolet e shumta në skenën e teatrit, si dhe rolet e ndryshme në filma, si ato vendore dhe ndërkombëtare.
Ahmeti ishte i martuar, prind i një vajze. Ai ishte i biri i kolumnistit të redaksisë së Portalb-it, Xhabir Ahmeti.
Redaksia e Portalb-it shpreh ngushëllimet e thella për familjen Ahmeti.