Prokuroria ka filluar hetimet për përleshjen që ka ndodhur në qytetin e Strumicës më 18 mars, transmeton Portalb.mk.
“Pas paraqitjes së kallëzimit penal nga SPB-Strumicë, sot Prokuroria themelore publike në Strumicë ka hapur lëndë ndaj 22 personave – pjesëmarrës në përleshjen e cila ndodhi më 18 mars të vitit 2021”, raportojnë nga Prokuroria.
Raportohet që 12 nga të dyshuarit dyshohen për pengimin e punës së zyrtarëve, e dënueshme në bazë të nenit 382, derisa tjerët për dhunë në bazë të nenit 386.
“Prokurori publik nga PTHP-Strumicë në vazhdimësi ka marrë veprime për zbardhjen e rastit”, sqarojnë nga prokuroria, duke paralajmëruar që do të dëgjohen edhe dëshmitarët dhe të dyshuarit e tjerë.