RMV, në janar janë dhënë 199 leje për ndërtimin e objekteve në vlerë mbi 2 miliardë denarë

Në Maqedoninë e Veriut në janar të këtij vitit janë dhënë për 40.9% më pak leje ndërtimi, në krahasim me periudhën e njëjtë të vitit të kaluar, transmeton Portalb.mk.

“Gjatë muajit janar të vitit 2021 janë dhënë 199 leje ndërtimi, që është për 24.6 % më pak se në muajin e njëjtë të vitit paraprak”, njoftoi Enti shtetëror i statistikave, duke sqaruar që 2 016 537 000 denarë është vlera e përgjithshme e këtyre objekteve.

Personat fizikë do të jenë investitorë në 90 objekte, derisa personat juridik në 109 objekte.

“Nga numri i përgjithshëm i numrit të lejeve të dhëna për ndërtim, 105 (52.8 %) janë të dedikuara për objektet e ndërtimit të lartë, 38 (19.1 %) janë për objektet e ndërtimit të ulët dhe 56 (28.1 %) objektet për rikonstruim”, raportojnë nga Enti, duke sqaruar që planifikohet ndërtimi i 182 banesave, me një sipërfaqe të përgjithshme prej 17 325 m².

Më së shumti leje janë dhënë në komunën Mavror dhe Rostusha (27), Çair (13), Makedonski Brod (10), Manastir (8), Qendër (7), etj. Në 32 komuna, duke përfshirë Tetovën, Gostivarin e Kumanovë, nuk janë dhënë leje ndërtimi gjatë muajit janar.