Të shumta kanë qenë zonjat dhe zonjushat që kanë lënë takat e tyre në pllakat e thyera të shëtitores së Strugës, e cila është rinovuar fatmirësisht kohëve të fundit.
Siç u informuam nga Albrim Hoxha, nga administrata e Komunës e Strugës, pronari i kompanisë që u përzgjodh për restaurimin e pllakave të shëtitores së Strugës, ka mbledhur takat që kanë “lënë”, zonjat dhe zonjushat në korzon e qytetit gjatë kohës që ajo ishte lënë në gjendje të keqe. Ato, sipas tij janë mbi 100.
“Pllakat e thyera ishin bërë armiku i zonjave dhe zonjushave me taka, ndërsa tani ato mund të ecin lirisht nëpër shëtitoren e qytetit, pa patur frikë se mund të pengohen apo edhe rrëzohen për shkak të takave të tyre të larta”, thekson Hoxha. /Portalb