Arabia Saudite ka bërë me dije se këtë vit në kuadër të mbrojtjes së përhapjes së Covid, vaksina është kushti kryesor për të gjithë pjesëmarrësit në haxh.
Ministri i Shëndetësisë Tawfig Al-Rabiah, në një deklaratë për mediat ka thënë se ata që dëshirojnë të kryejnë haxh është e detyrueshme të vaksinohen kundër COVID-19 dhe se ky është një kusht për të marrë pjesë në haxh, transmeton ABC News.
Gjithashtu Rabiah kërkoi që të bëhet përgatitje të hershme për sigurimin e punonjësve shëndetësor që do të jenë me detyrë në qendrat e shëndetësisë në Mekë, Medine dhe vendet e shenjta.
Ndërkohë në lidhje me administrimin e kësaj situate, ministri ka kërkuar krijimin e një komisioni COVID-19 për haxhinjtë.