Gjashtë persona janë kapur me teste negative PCR të rreme. Personat janë zënë duke hyrë në vend në Aeroportin Ndërkombëtar në Shkup. Dy prej tyre janë nga Maqedonia e Veriut, dy nga Kosova, dhe një nga Turqia dhe Kazakistani, njofton Portalb.mk.
Siç është informuan nga Ministria e Brendshme, gjatë ditës së djeshme, 22 shkurt 2021, gjatë një kontrollit të R.B (36) dhe L.B (34), të dy nga Bogovina, Tetovë, u konstatua se kanë paraqitur PCR-teste negative të falsifikuara.
Më tej, gjatë të njëjtit kontroll, test i falsifikuar PCR është gjetur te njëzet e një vjeçarin R.B. nga Kazakistani.
Ministria e Brendshme informon se në të njëjtën ditë në të njëjtin vendkalim kufitar në Aeroportin Ndërkombëtar të Shkupit me teste PCR negative të falsifikuara, janë zënë edhe E.S (48) dhe A.S (46), të dy nga Kosova dhe G.H (50) nga Turqia.
Të gjashtë personat janë arrestuar dhe mbajtur për procedurë të mëtutjeshme.