Los Anxhelos urdhëroi ambulancat të mos pranojnë pacientë me Kovid-19 që kanë shanse të ulëta mbijetese

N. D.

3 years ago

KOVID-19, korona, corona virusi, Urgjenca, paciente, te infektuar, Ndihma e Shpejte

Organet shëndetësorë të Los Anxhelosit kanë urdhëruar punonjësit e ambulancave të ndërpresin pranimin e pacientëve me covid-19 të cilët kanë shumë pak mundësi për të mbijetuar, pasi ka mungese shtretërish spitalorë dhe personeli mjekësor në kohën e shpërthimit të madh të koronavirusit, njofton Portalb.mk.

Sistemi shëndetësor i qytetit të dytë më të madh në Shtetet e Bashkuara po përballet me kolaps, pasi rajoni i afrohet numrit ditor prej 1,000 vdekjesh si pasojë e Covid-19, ndërsa spitalet janë të mbingarkuara me pacientë. Spitaleve gjithashtu u është thënë të harxhojnë oksigjen në mënyrë racionale.

New Yorku lëshoi urdhër të ngjashëm në prill të vitit 2020, në kulmin e përhapjes së sëmundjes në qytet.

Urdhri i lëshuar nga Los Angelesi të hënën hyri në fuqi menjëherë dhe zbatohet për të gjithë pacientët e rritur që kanë pak mundësi të shpëtohen në spital. Los Angeles është zona më e goditur në Shtetet e Bashkuara që nga fillimi i shpërthimit, me 818,000 të infektuar dhe më shumë se 10,700 të vdekur nga Covid-19.

“Ne nuk po dorëzohemi nga reanimacioni. Ne nuk duam të mbingarkojmë spitalet me pacientë që kanë shans shumë të ulët për të mbijetuar, duke zvogëluar kështu shanset që pacientët e tjerë të mbijetojnë”, tha Marien Goche-Hill, drejtori i Shërbimeve të Urgjencës në Los Anxhelos.

Categories: Bota, Bota

Tags: Korona Virusi- COVID19, SHBA AMERIKA