RMV, prej sot 12 mjekë dhe 20 infermierë të Armatës do të ndihmojnë në kovid-qendrat e klinikave interne

Dymbëdhjetë mjekë dhe 20 infermierë nga Qendra mjekësore ushtarake e Armatës, prej sot janë përfshirë në punën e klinikave Interne, ku ka disa reparte kovid, kumtoi Ministria e Shëndetësisë. Ekipet mjekësore që vijnë nga Armata fillimisht do të vendosen në qendrën Interne të triazhit, ku do të pranojnë pacientë në repartin kovid, njofton Portalb.mk.

“Ky numër i stafit mjekësor është mbështetje e madhe, duke pasur parasysh që të gjithë specialistët e mjekësisë interne dhe infektologët që nga fillimi i krizës u janë kushtuar pacientëve me korona virus”, thonë nga Ministria.

Ministria e Mbrojtjes të premten i dorëzoi 10,000 teste të shpejta Ministrisë së Shëndetësisë, donacion nga Mbretëria e Norvegjisë, kurse në fillim të muajit Armata siguroi përdorimin e 5 auto-ambulancave.

Numri i përgjithshëm i të diagnostifikuarve në vend me kovid-19  që nga fillimi i epidemisë është 61,543, 38,400 janë shëruar, 1,731 kanë vdekur dhe 21,412 janë aktivë. Vetëm dje kanë ndërruar jetë 32 pacientë, ndërsa janë shënuar 820 raste të reja.

Lajme të ngjashme

Leave a Reply

Your email address will not be published. Required fields are marked *

Back to top button