Muhamed Zekiri është emëruar sot sekretar i përgjithshëm në Qeverinë e RMV-së të udhëhequr nga kryepartiaku i tij, kryeministri Zoran Zaev, njofton Portalb.mk.
Vendimi është marrë sot në seancën e Qeverisë.
Emri i Muhamed Zekirit, prej momentit kur dha dorëheqje nga përgjegjësia e deputetit, filloi të lakohet si kuadër për udhëheqjen e ndërmarrjeve të ndryshme shtetërore që janë në kompetenca të Qeverisë. Ai postin e ri do ta marrë nga sekretari i deritanishëm, Dragi Rashkovski.