Filmi “Gjyshi dhe nipi” me regjisor Ilija Piperkovski dhe rolin kryesore të filmit të luajtur nga aktori i ndjerë Salaetin Bilali është vlerësuar përsëri në botën e filmit, transmeton Portalb.mk.
Festivali ndërkombëtar i filmit “Tagore” dhe Festivali i pavarur i filmit-dimenzioni i katërt kanë vlerësuar filmin “Gjyshi dhe nipi” për Kontributin e jashtëzakonshëm botën e filmit, duke theksuar se “Rrëfimet e tilla e bëjnë botën vend më të bukur për të jetuar”.
Ky festival dje e vlerësoi filmin “Leaf on a pilloë”, si filmin e javës në kulturë, ku theksohet lufta e ashpër e fëmijëve të varfër drejt suksesit.
Në kuadër të këtij filmi gjithashtu u vlerësua edhe drejtori i filmit, Patru Paunesku, për herë të dytë.
Ndryshe, në vitin 2018-të ka ndërruar jetë aktori nga Maqedonia, Salaetin Bilal. Au u lind më 19 mars 1942 në Shkup. Veprimtaria e tij ka qenë e fokusuar në aktrim si në teatër, filma dhe seriale televizive.
Ai ka studiuar në konservatorizmin teatror në Stamboll të Turqisë. Më vitin 1964 është bërë pjesë e ansamblit të Dramës Turke në Teatrin Kombëtar në Shkup. Si aktor mysafir ka luajtur edhe në skenat e Teatrit Kombëtar të Maqedonisë, Teatrit Dramatik si dhe në Teatrin Shqiptar në Shkup.
Roli prej aktori është vlerësuar me çmimet si: Artisti më i Mirë në Festivalin Teatror “Vojdan Çernodrinski” – Prilep më vitet 1976 dhe 1990 dhe Roli më i Mirë i Realizuar më vitin 1992.
Tashmë i ndjeri Salaetin Bilali, më vitin 1977 ka qenë i dekoruar edhe me çmimin më të lartë të Qytetit të Shkupit, “13 Nëntori”, e kurse më vitin 1984 ai mori dekoratën më të lartë shtetërore në Maqedoni, “11 Tetori”.