Kombëtarja shqiptare e futbollit sot arriti të mposht rivalin e drejtpërdrejtë për vendin e parë ne Grupin 4 në Ligën C të Ligës së Kombeve, transmeton Portalb.mk.
Dy golat e Cikaleshit (19’ dhe 27’) dhe një gol i Manajt (40’) shërbyen për fitoren 3-2 të Shqipërisë kundër Bjellorusisë, e cila deri sot ishte ne krye të tabelës.
Raportohet se kjo fitore do t’i sjellë Shqipërisë 1.125 milionë euro të ardhura shtesë, si dhe kualifikim në Ligën B për vitin e ardhshëm.
Sot Maqedonia e Veriut sfidohet nga Armenia, e cila ka vetëm një pikë më pak se Maqedonia e Veriut e cila gjendet në krye të tabelës në Grupin 2.
Në Grupin 3 do të përballet Kosova kundër Moldavisë, ekipe që gjenden në fund të tabelës së grupit.