Në Shqipëri në 24 orët e fundit kanë ndërruar jetë 11 persona nga koronavirusi i ri (COVID-19) dhe janë regjistruar 507 raste të reja, transmeton Anadolu Agency (AA).
Ministria e Shëndetësisë dhe Mbrojtjes Sociale ka njoftuar se që nga fillimi i pandemisë, numri i përgjithshëm i rasteve me koronavirus në vend është rritur në 25.801 dhe numri i të vdekurve në 590.
Në orët e fundit janë shëruar 140 qytetarë, duke e çuar numrin e të shëruarve në 12.493 dhe raste aktive janë 12.718.
Institucionet shëndetësore në Shqipëri kanë kryer gjithsej 146.188 testime për personat e dyshuar me koronavirus që nga fillimi i pandemisë.
Ndërkohë, ministrja e Shëndetësisë dhe Mbrojtjes Sociale e Shqipërisë, Ogerta Manastirliu, gjatë një konference për mediat sot theksoi se testimet janë rritur dhe gjithashtu, sipas saj, po punohet për aksesimin e testeve të shpejta.
Ajo tha se Shqipëria do ta ketë vaksinën kundër COVID-19 sapo të jetë e disponueshme.