Ministria e punëve të brendshme (MPB) raportoi se në në orët e mesnatës ka arrestuar shtetasin shqiptar 34 vjeçar në kalimin kufitar “Qafë Thanë”, transmeton Portalb.mk.
“Më 17 tetor në ora 01:30 në hyrje të Republikës së Maqedonisë së Veriut, në Kalimin kufitar “Qafë Thanë”, punonjësit policorë kanë arrestuar 34 vjeçarin C.L. nga Peshkopia, Republika e Shqipërisë”, raportojnë nga MPB-ja.
Në njoftimin zyrtar sqarohet se gjatë kontrollit të pasaportës është konfirmuar në stop-listën me masë “Arrestim” në bazë të kërkesës së Interpolit në Athinë, Greqi.
Raportohet se në ora 05:30 ai është dorëzuar në Stacionin policor në Strugë për ndjekjen e procedurave të mëtutjeshme.