Wizz Air është në proces të pezullimit të afër 50 linjave në ish-Jugosllavi dhe çdo qytet që shërbehet nga kjo kompania do të preket, raporton Kanal5, përcjell Portalb.mk.
Siç raporton korrespodenti i AIM nga Beogradi, numrin më të madh të anulimeve do ta ketë Shkupi, kryeqyteti i Maqedonisë, pastaj Tuzlla, Ohri, Podgorica, Beogradi, Nishi, Prishtina, Ljubljana, Spliti dhe Sarajeva.
Disa fluturime që janë ende aktive, si Vjenë-Ohër, Stokholm Skavsta-Shkup dhe Memmingen-Podgorica, do të pezullohen brenda dy javësh dhe nuk do të jenë në dispozicion gjatë sezonit të dimrit, shkruan portali Ex-Yu Aviation.
Transportuesi planifikon të rinovojë disa linja në nëntor dhe dhjetor, por shanset për këtë janë të vogla. Shumica e fluturimeve nuk do të rifillojnë deri në sezonin veror të vitit të ardhshëm, i cili fillon në fund të Marsit.
Wizz Air është në proces të rinovimit të disa linjave që u anuluan përkohësisht gjatë verës, duke përfshirë linjat Shkup-Turku dhe Beograd-Larnaka, ndërsa fluturimet në linjat Shkup-Nuremberg, Shkup-Kopenhagë, Shkup-Baden Baden, Shkup-Rome, Shkupi Milano, Shkupi-Malta dhe të tjerët do të rivendosen brenda një deri në dy muaj.
Pavarësisht uljes së trafikut në ish-Jugosllavi, Wizz Air po zgjerohet diku tjetër – në Evropën Perëndimore dhe para do kohe paralajmëroi itinerare të reja për në Norvegji.
Kompania përballet me rënie prej 60 % të numrit të pasagjerëve në shtator, muaj që ata shpresonin se do të shënonte fillimin e rikuperimit.
Sipas kompanisë ajrore, kapaciteti i saj mbeti 40% më i ulët krahasuar me të njëjtin muaj të vitit të kaluar. Këtë tetor, linja ajrore fluturon me vetëm 50 % të kapacitetit. Wizz Air nuk parashikon që të punojë me një kapacitet më të lartë gjatë dimrit nëse mbetet situata aktuale e pandemisë. Sidoqoftë, operacionet ekzistuese janë dukshëm më të mëdha sesa aktivitetet e shumicës së kompanive tjera ajrore evropiane, shkruan portali Ex-Yu Aviation.