Fluturakja “Aeroscraft ML 866”, e cila do të mund të fluturojë dhe të aterrojë vertikalisht dhe të ngre mbi 66 tonë së shpejti do të fillojë me testime finale.
Ky aeroplan, i cili parashikohet se do të ndryshojë mënyrë e bartjes së ngarkesave është ende në fazën e prototipit dhe po ndërtohet në Kaliforni, në hangarin e kompanisë Worldwide Aeros Corp. Projekti i quajtur Dragon Dream financohet nga ushtria amerikane dhe NASA.
Sipas fjalëve të njërit prej udhëheqësve të këtij projekti, Igor Pasternak, kjo fluturake do të mundësojë bartjen e ngarkesave të mëdha në destinacione të largëta.
“Jemi dëshmitarë të fillimit të zgjidhjes për transportin global në 110 vjetët e ardhshëm”, deklaroi ai.
Pos për mallra, ky tip aeroplani do të mund të shfrytëzohet edhe për transportin e udhëtarëve, për ç’arsye enterieri në skicat projektuese duket si hotel luksoz.
Sipas medieve të huaja, ky model i ngjason shumë fluturakes nga seriali i famshëm i kukullave “Thunderbirds”, nga vitet e 60-a të shekullit të kaluar./Portalb