Hillary Clinton ka shprehur brenga se Donald Trumpi nuk do të ikën nga zyra në mënyrë paqësore, nëse do të mposhtet në zgjedhjet e nëntorit.
“Nuk dua t’i frikësoj njerëzit, por dua që të jemi të përgatitur. Kam çdo arsye të besoj se Trump nuk do të ikën lehtë nëse i humb zgjedhjet”, tha ajo gjatë samitit të 19-të Represents. “Ai do të përpiqet që të na ngatërrojë, ai do të përdorë çfarëdo akuza, ai e ka avokatin gjeneral William Barr pas tij, që është i gatshëm të bëjë çfarëdo që është e nevojshme”, ka thënë ajo.
Demokratët kanë thënë se Trump po bëhet gati t’i kontestojë rezultatet e zgjedhjeve duke vërë dyshime mbi legjitimitetin e tyre, shkruan The Independent.
Presidenti tashmë është përpjekur që të pengojë votimin me postë, së fundmi duke bllokuar një paketë ndihmuese për koronavirusin që do të zgjeronte votimin duke i dhënë fonde Shërbimit Postar të SHBA-së, transmeton KOHA.
Pos kundërshtimit të votimit me postë, Trump ka thënë se nuk do të ikë nga zyra nëse rezultatet e zgjedhjeve do të jenë të dyshimta.
Edhe kandidati demokratik presidencial Joe Biden ka shprehur brenga se Trump do të ndërhyjë në legjitimitetin e zgjedhjeve.