Po punohet për shkollën në Reçicë të Vogël, objekti duhet të jetë gati në maj 2021
Nëse punimet për shkollën në Reçicë të Vogël, vazhdojnë me të njëjtin rritëm, ky objekt duhet të jetë gati në maj të vitit 2021. Portalb.mk ishte në vend të ngjarjes dhe vërejti mjete ndërtuese dhe konfirmoi se po punohet. Redaksia jonë do të ndjekë me vigjilencë punimet dhe do të raportojë nëse ka ngecje eventuale.
Disa ditë para zgjedhjeve parlamentare në Maqedoninë e Veriut filluan punimet për ndërtimin e shkollës fillore në Reçicë të Vogël të premtuar 8 vite radhazi. Sipas Komunës së Tetovës dhe banorëve të fshatit, puna nuk ka pasur ngecje.
Nga Komuna e Tetovës për Portalb thanë se punimet kanë filluar dhe vijojnë sipas planit.
“Punimet në ndërtimin e shkollës fillore në Reçicë të Vogël kanë filluar dhe vijojnë sipas dinamikës së planifikuar”- deklaruan nga Komuna e Tetovës.
Nga ana tjetër edhe banorët e fshatit që jetojnë përreth e thanë të njëjtën gjë.
“Punohet çdo ditë në ndërtimin e kësaj shkolle, përjashtuar dy ditët e fundit që ka pasur reshje shiu” – theksoi për Portalb, njëri nga banorët e fshatit Reçicë të Vogël.
Ndryshe, premtimet për ndërtimin e kësaj shkolle kanë qenë pjesë e programit të vitit 2013 të kandidates të atëhershme për kryetare të Komunës së Tetovës, Teuta Arifi. Por, punimet filluan disa ditë para zgjedhjeve parlamentare të vitit 2020.
- LEXO: U premtua 8 vite, ndërkaq 13 ditë para zgjedhjeve filluan punimet për shkollën në Reçicë të Vogël
- LEXO: Reçicë e Vogël, Ademi edhe Arifi aktualizojnë temën e shkollës vetëm gjatë fushatave zgjedhore
- LEXO: U premtua 8 vite, sot është nënshkruar marrëveshja për ndërtimin e shkollës në Reçicë të Vogël
- LEXO: Reçicë e Vogël: Kotec pulash në vendin ku u premtua shkolla, objekti s’do të ndërtohet as në vitin 2021 (FOTO)
- LEXO: Shkolla në Reçicë të Vogël u premtua 8 vite, pritet të hapet në shtator të 2021
- LEXO: Ministri Ademi foli për ndërtimin e shkollave në Idrizovë, Vizbeg, Reçicë dhe Bllacë
- LEXO: Mosndërtimi i shkollës në Reçicë të Vogël, ASH Tetovë: Arbër Ademi të japë dorëheqje
- LEXO: Reçica e Vogël ende pa shkollë fillore, premtimi i Arifit mbeti vetëm fjalë
- LEXO: Bexheti: Reçicën e vogël do e bëjmë me shkollë fillore
