Super Bowl mbrëmë arriti të bëhej një prej ngjarjeve më të plota dhe më interesante prej që ka nisur të organizohet. Në finale u ndeshën ekipet e futbollit amerikan, Baltimore Ravens me San Francisco, ku të parët fituan ndeshjen.
Por, ajo që la përshtypjen më të madhe, ishte pushimi gjatë këtij organizimi kur u paraqit këngëtarja Beyonce, e cila në këtë mënyrë “vodhi” spektaklin sportiv me një performancë të shkëlqyer që u kulminua kur asaj iu bashkuan në skenë Kelly Rowland dhe Michelle Williams duke rikthyer kështu grupin Destiny’s Child.
31-vjeçarja Beyonce ishte tejet energjike në sallën e Mercedes-Benz të Nju Orlins, ku u zhvillua finalja e madhe e futbollit amerikan.
Vlen të theksohet se teksa Super Bowl po zhvillohej, pati ndërprerje të energjisë elektrike në sallë, gjë që bëri të shtyhej ngjarja për rreth 35 minuta.
Bashkëshortja e Jay-Z këndoi disa nga hitet e saj më të njohura duke entuziasmuar publikun.