Një i porsalindur dhe nëna e tij janë pozitivë në koronavirus. Zyrtarët nga Qendra për Shëndet Publik informojnë se pasi i porsalinduri ka shfaqur simptoma u dërgua në spital në Kozle në Shkup, ku iu nënshtrua ekzaminimit dhe mjekimit, transmeton MIA.
I porsalinduri dhe nëna e tij ishin në Repartin e Neonatologjisë, Gjinekologjisë dhe Obstetrikës në një kohë kur njëra nga infermieret ishte infektuar dhe e vendosur në izolim. Por gjashtë të posalindurit e tjerë dhe nënat e tyre janë mirë dhe nuk kanë simptoma të koronavirusit. Prandaj, gjatë ditës së sotme po bëhen hulumtime epidemiologjike për të përcaktuar se ku janë infektuar i porsalinduri dhe nëna. Është e mundur që burimi i infeksionit të mos jetë nga ky repart, sepse të tjerët nuk janë pozitivë për Kovid-19.
Shtipi sot në buletinin shëndetësor është me gjithsej 15 të infektuar të rinj, përndryshe bëhet fjalë për persona që janë infektuar pas kontakteve me rastet tashmë aktive të konfeksioneve apo klastereve të tjera të njohura.