Oda e Mjekëve të Kosovës është duke kërkuar që mësuesi i meditimit Hetem Ramadani të ndiqet penalisht për qëndrimet e tija.
Ai në emisionin Rubikon me Adriatik Kelmendin ka thënë se ”mjekët janë ndër vrasësit më të mëdhenj në botë, për shkak të gabimeve dhe për shkak të mosdijes dhe interesave që janë agjentë të farmacisë”, transmeton KlanKosova.
Përmes një reagimi të lëshuar të premten OMK cilëson se deklarime të tilla kanë për qëllim njollosjen e figurës së mjekut në shoqëri.
Ndaj OMK shprehet se nuk do të lejoj që të cenohet dinjiteti dhe integriteti profesional i mantelbardhëve.