Nuk përjashtohet mundësia që kufiri mes Greqisë dhe Maqedonisë së Veriut të mos hapet me 15 qershor, këtë e deklaroi ministri shtetëror grek, Jorgos Gerapetris në një intervistë për radio “Selakniku”.
Ai theksoi se indikator për këtë vendim është numri i madh i rasteve me Kovid-19 në RMV.
“Do të doja të rikujtoj se deri sa bisedojmë nuk është e lejuar kalimi i kufirit me Maqedoninë e Veriut deri me 15 qershor, ashtu siç është i mbyllur edhe me Shqipërinë. Do të bëhet vlerësim i gjendjes por 90 për qind e vendimit varet na ajo se çfarë do të vendosin vendet fqinje për kufijtë e tyre. Ne jemi duke i ndjekur të dhenat epidemiologjike. Nëse situate vazhdon të përkeqësohet, do të propozohen ndalesa dhe restrikcione për komunikacionin kufitarë”, tha Gerapetris.
Gjithashtu nuk pritet që aeroportet e vendit të hapen përpara 15 qershorit. Momentalisht në RMV numri i fluturimeve në krahasim me vitin e kaluar është vetëm 7 deri në 10% dhe në to përfshihen fluturimet ushtarake, speciale mjekësore, shtetërore, humanitare dhe fluturimet për riatdhesimin e shtetasve të cilët kanë mbetur jashtë territorit të vendit në kohën kur shpërtheu pandemia dhe u mbyllën kufijtë në të gjitha shtetet evropiane, njofton Portalb.mk.